Александр Хомяков: "Қўзибоевнинг "Машъал"га қайтганидан хурсандман"

Куни кеча жамоа "Бунёдкор"га қарши ўртоқлик учрашуви ўтказди. "Қалдирғочлар"нинг 2:0 ҳисобидаги ғалабаси билан тугаган ўйиндан сўнг "Машъал" бош мураббийи ўз фикрларини билдирди.

"Тошкентдаги йиғин режадагидек давом этмоқда. Бу пайтда, шундай стадионда, "Бунёдкор"дек кучли рақибга қарши назорат учрашувини ўтказдик. Ажойиб ўйин бўлди, умуман олганда тайёргарликдан кўнглим тўлмоқда. "Бунёдкор"дан фарқли равишда бизда ҳали вақт бор. Бир қатор камчиликлар устида ишлашимиз керак. "Бунёдкор"га эса ОЧЛ плей-офф босқичида "Ал Шабаб"га қарши баҳсда омад тилайман", - дейди Александр Хомяков.

"Кейинги режаларимиз? 7 февралда "Пахтакор" билан, 11 февралда "Олмалиқ" билан ўйнаймиз. Шундан сўнг қисқа танаффус бўлади ва адашмасам 15 февраль куни "Бухоро"га қарши майдонга тушамиз".

"Ҳозирча таркибимизда у қадар кўп янги футболчилар йўқ. Булар Аваз Агалиев, Ғулом Ҳайдар Ғуломов, Шаҳбоз Эркинов. Таркибни кучайтириш бўйича иш давом этмоқда. Лекин янги мавсум учун таркибимиз деярли 90 фоизга шаклланиб бўлди.

"Янги легионер келиши борасида ҳеч нима дея олмайман. Ҳозирча мендан бундай маълумот йўқ. Микита Букаткин жамоани тарк этди".

"Зоҳир Қўзибоевнинг "Насаф"га бориб қайтиши борасидаги воқеа борасида ҳеч нима билмайман. Лекин унинг "Машъал"га қайтганидан албатта хурсанд бўлдим. У бизга ас қотиши аниқ", - дейди "газчилар" устози.


Нарзулла Сайдуллаев ёзиб олди