Александр Хомяков: "Мен ўзбек футболи ривожига ҳисса қўшишни истайман"

"Натижадан хурсандман. Ўйинни жуда ёмон ўтказдик. Тенг курашда ғалабага эришганимиз бу жамоанинг иродасидир. Биринчи бўлимда яхшигина ташаббусга эга бўлган эдик лекин иккинчи бўлимда кўп вазиятларни футболчилар ҳис қила олмади. Шундай жамоам борлиги билан фахрлансам бўлади" , - дейди Александр Хомяков

"Биз давралар оралиғида фақат ҳужум чизиғини кучайтириш борасида иш олиб бордик. Ҳимояда энди иккинчи даврани ўзидаёқ 13 та тўп ўтказиб юбормоқдамиз. Бу эса футболда қайсидир чизиқни кучайтириш билан жамоа бўлмаслигини кўрсатмоқда. Бизда асосий таркиб деган тушунча йўқ. Шахсан ўзим учун биронта футболчини у асосий таркиб ўйинчиси деб танлай олмайман. Ботир Носиров бугун яхши ўйин кўрсатди агар кейинги ўйин олдидан машғулотларда Санжар Қувватов яхши ўйин кўрсатса майдонга тушади. Икки дарвозабонимизни бирини асосий дарвозабон дея олмайман".

"Албатта мен мана олти йилдан буён ўзбек футболидаман. Агар ўзбек футболига нимадир берган бўлсам мамнун бўламан. Мақсадим ўзбек футболи ривожига ҳисса қўшиш. Ўзбекистонда жуда кўплаб истедодли ёшлар бор. Уларни етук футболчи қилиб тарбиялашимиз керак".