Александр Хомяков: "Икки очко йўқотдик"

Ўйинда "Андижон" 2:0 ҳисобида олдинда бораётиб ғалабани ушлаб қола олмади. Баҳс якунига етгач, жамоа бош мураббийи Александр Хомяков ўз фикрлари билан ўртоқлашди.

- 2:0 ҳисобида ғалаба қозона туриб якунда дуранг қайд этдик ва икки очко йўқотдик. Бу жуда аламли. Бугун сафарда биринчи марта ютишимиз мумкин эди. Ғалабага жуда яқин ўйин кўрсатдик деб ўйлайман. Тўғриси, ҳозир бироз кайфиятсиз аҳволдаман. Шунга қарамай футболчиларга катта раҳмат айтаман. Улар охиригача курашишди.

- Жамоангиз кўрсатган ўйин ҳақида нима оласиз?
- Ҳимоявий ўйнашга ҳаракат қилдик. Андижонда кечган биринчи давра баҳсида анча эркин ҳаракат қилгандик, бунинг натижасида рақиб ҳам бемалол ўйнаганди. Бугун эса аниқ бир режа остида ҳаракат қилдик.

- Дилшод Раҳматуллаев жамоадан кетади деб эшитдик?
- Шундай гап йўқ эмас. Лекин умид қиламиз, у биз билан қолади.