Александр Хомяков: "Ғалаба қозондик ва мухлислар олдида айбимизни ювдик"

- Ўйин ҳақидаги фикларингиз?
- Ўйинни хамма кўрди, ғалаба қозондик ва мухлислар олдида ўз айбимизни ювдик. Чунки ўтган учрашувда ўйинни аламли тарзда бой берган эдик

- Бугунги ўйинга танланган таркиб, рақибингиз "Олимпик"нинг таркибидаги юқотишлардан келиб чиқиб танландими? Сабаби бир неча нафар тажрибали ижрочилар захирада қолганди...
- "Олимпик"даги йўқотишлар ҳақида хабарим бор эди. Иложи борича оптимал таркибни туширдик.

- Кейинги икки учрашувда Водий дербисида иштирок этасизлар, қайси дерби сизлар учун муҳимроқ?
- Ҳар учрашув биз учун муҳум, рақибларни ажратиб кўрсата олмайман.

- Жамоа ўйин аввалида тезкор гол уриб олди ва шундан сўнг ҳимояга таяниб ўйнади, жамоада иккинчи режа йўқдек, шу ҳақида фикрингиз?
- Бизда "Б" режа ва ҳатто "С" режа ҳам бор. Агарда ўйин аввалида тезкор гол урмаганимизда, кўпроқ хужумга ўтишга мажбур бўлар эдик. Бугунги рақибимиз чемпионатда энг яхши позицион хужумга ўтадиган жамоалардан бири ва уларга қарши таваккал қилиб хужумга ўтсак йирик ҳисоблик ўйин бўлиб кетар эди. "Бунёдкор" билан кечган баҳсда хужумга ўтдик ва қандай ҳатоларга йўл қўйганимизни кўрдингиз. Ҳозир кучли ва кучсиз томонларимиз ва режаларимиз ҳақида айтишим нотўғри кейинги баҳсларда кўриб оласиз. "Олимпик" позицион ҳужум бўйича лиганинг энг яхшиларидан бири, уларга қарши очиқ ўйин намойиш этиш кулгили бўларди. Ўзимиздан қаҳрамон ясаб, шармандали ҳисоб қайд этишимиз мумкин эди. Бу кимга керак. Ўзимиз ўйнай оладига услубда ҳаракат қилдик ва натижани ўзингиз кўрдингиз.