Александр Волков: "Қосимовнинг ўйинида ўсиш бор"
07 may 2015 16:37
News

Александр Волков: "Қосимовнинг ўйинида ўсиш бор"

Ўзбекистон миллий терма жамоаси мураббийларидан бири Александр Волков кеча "Жар" стадионида жаҳон чемпионатига тайёргарлик кўраётган ёшлар терма жамоамизнинг Қирғизистон олимпиячиларига қарши кечган ўртоқлик учрашувини кузатиб борди.

Ўйинни биргаликда томоша қилиш баробарида футболчиларимизнинг майдондаги ҳаракатларини ҳам муҳокама қилдик.

Жаҳон чемпионати олдидан жароҳат орттириб олиш қимматга тушиши кундек равшан. Шунга қарамай, бугун йигитларимиз тезкор футбол намойиш этишди. Жавоҳир Сиддиқов, Миржамол Қосимов каби футболчилар ўз ўйинларини анча жонлантиришибди. Айниқса, Миржамолнинг ҳаракатларидан хурсандман. У кетма-кет иккита ўйинда ҳам гол урди. Майдонда ҳам катта ҳажмдаги ишни бажаряпти. Билишимча, уйда ҳам махсус дастур асосида ишлаяпти. Шу зайлда ишлашда давом этишини чин дилдан истардим. Жаҳон чемпионатида ҳар бир футболчимиз ўзини ижобий томондан кўрсатиб, терма жамоамиз ғалабаси учун хисса қўшишини хоҳлайман, - деди Волков.

Таъкидлаш жоиз, кечаги Ўзбекистон (U-20) - Қирғизистон (U-23) ўйинини бевосита стадиондан Терма жамоалар маркази директори Асқар Толибжонов, профессор Рустам Акрамов, миллий терма жамоа бош мураббийи Миржалол Қосимов, Ўзбекистон ёшлар (U-18) терма жамоаси бош мураббийи Жасур Абдураимов каби футболимизнинг кўз кўринган мутахассислари кузатиб боришди.

Link :

Source : championat.asia

Receive latest football news directly on your phone. Subscribe for our Telegram channel!

Rating: