Александр Мочинов: "Истиқлол"га қарши ўйин жуда фойдали бўлди"
27 jun 2014 15:02
News

Александр Мочинов: "Истиқлол"га қарши ўйин жуда фойдали бўлди"

Ўзбекистон ўсмирлар терма жамоаси бош мураббийи Александр Мочинов "Истиқлол"га қарши бўлиб ўтган ўртоқлик учрашувидан сўнг ўз фикрлари билан ўртоқлашди.

"Йиғин сўнггида ўртоқлик учрашуви ўтказдик. Менимча йигитлар йиғиндаги машғулотлардан сўнг бироз чарчашди. Рақиб биринчи лигада ўйнайди, тажрибали ва кучли футболчилар борлиги кўриниб турибди. Бугунги ўйин бизга жуда фойдали бўлди", - деб гап бошлади Мочинов.

"Ўсмирлар сафида ҳеч кимни алоҳида кўрсата олмайман ва буни истамайман. Сабаби уларнинг барчаси ҳозирча фақат терма жамоага номзод саналишади. Ҳеч кимни мақташ ёки ёмонлаш ниятим йўқ".

"Тайёргарликни давом эттирамиз. Июль ойида хорижда йиғин ўтказишни режалаштираяпмиз. Фақат ҳозир расман бўлмагани учун аниқ гап айта олмайман. Яқин кунларда бу ҳақда маълумот берилади", - дейди Мочинов.

Толибжон Қосимов суҳбатлашди.

Link :

Source : championat.asia

Receive latest football news directly on your phone. Subscribe for our Telegram channel!

Rating: