Александр Лакасетт: "Лион" президенти ёзда жамоадан кетишим мумкинлигини билади"

"Мен Англия премьер лигаси ҳақида ўйлаяпман. Ҳар бир футболчи учун премьер лига жуда қизиқарли туюлади. Англия чемпионатида ўйнаш учун мен янада ўз ўйинимни кучайтиришим лозим. Ҳозирда айнан ўйинимни янада яхшилаш ҳақида ўйлаяпман ва бунинг учун меҳнатдан қочмайман. Ёзда балки "Лион"дан кетарман. Клуб президенти бу ҳақда билади. Январда "Лион"дан кетмайман. Бу борада ўз мақсадим ва вазифамиз бор. Биз мавсум сўнгига қадар иккинчи ўринни қўлга киритиб, ЕЧЛга йўлланма олишимиз лозим. Иккинчи мақсадим тўпурарлик маҳоратимни ошириш. Франция терма жамоасидаги кўплаб дўстларим АПЛ ҳақида жуда илиқ сўзларни айтишмоқда. У ердаги муҳит ўзгача эканлигини таъкидлашмоқда. Жамоалар асосан ҳужумкор ўйин намойиш этишади ва ҳужумчиларни диққатини тортади. "Лестер"нинг натижаларига қаранг, бу ерда рақобат жуда кучли. "Лестер" икки йил аввал лигага чиққанди. Ҳозир эса улар турнир жадвалида кучли тўртталикдалар. АПЛ бу ўзгача чемпионат. Мен "Лион"ни жуда яхши кўраман. Мен бу йилда кўп йилни ўтказдим. Олдинлари "Лион"да қолишга тайёр эдим. Ҳозир эса кетишга ҳозирланмоқдаман", - дейди Лакасетт.