Александр Крестинин Ўзбекистон чемпионатини мақтади ва "Бунёдкор" билан хайрлашди

- Илк навбатда "Пахтакор"ни чемпионлик билан, "Бунёдкор" мухлисларини эса ғалаба билан табриклайман. Ўйин қизиқарли бўлди деб ўйлайман, кўп голларни кўрдик. Сифатли футбол намойиш қилинди. Телевизор орқали томоша қилганлар ўйиндан завқ олишди. Мухлисларга, йигитларга, клуб раҳбариятига, клуб ишчиларига, стадион ишчиларига, қароргоҳимиз ишчиларига ушбу йилда қилинган меҳнат учун  миннатдорлик билдираман. Бугунги кундан эътиборан биз ўзаро ҳамкорликни тугатамиз ва барчага омад тилайман.

- Сизнинг "Бунёдкор"дан кетишинингиз учун катта сабаб борми?

- Ҳаёт шундай. Аммо бу ҳар куни бўладиган иш эмас. Бу икки томоннинг келишуви. Раҳбарият билан бирга ўтирдик, гаплашиб олдик ва келишдик.

- "Бунёдкор"га келиб қанчалик ўсишга эришдингиз ёки пасайиш бўлдими?

- Натижалар унчалик ёмон бўлгани йўқ. Балки ҳозиргидан 3-4 очко кўпроқ жамғаришимиз мумкин эди. Биз 8-ўриндаги жамоани қабул қилиб олдик. Гарчи ўрнимиз ўзгармаган бўлса-да, кўпроқ очко жамғара олдик. Мавсум давомида барчасини ўзгартириб юбориш унчалик осон бўлмади. Жамоадаги ўсиш кўринди, сўнгги 6 ўйинда бир марта мағлуб бўлдик. Йигитлар барчасига мослашиб олишганди. "Бунёдкор"даги фаолиятимга яхши баҳо бераман. 

- Ушбу мавсумдаги энг қийин ўйин?

- Барчаси оғир ўтди, бугун ҳам, Қаршида ҳам осон бўлмаган ўйин ўтказдик. Яна бир марта такрорлайман, Ўзбекистон чемпионати - юқори даражадаги лига, бу ерда осон ўйин йўқ. Шунчаки ўтириб олиб томоша қилинадиган ўйинлар бўлмади. Барча ўйинлар қийин ўтди. Энг қийин Қаршида бўлди, биз муносиб тарзда ғалабага эришдик.