Александр Кит: "Ҳеч ким ҳисоб 0:5 бўлишини кутмаганди"
19 mar 2016 18:16
News

Александр Кит: "Ҳеч ким ҳисоб 0:5 бўлишини кутмаганди"

Ўзбекистон Кубогининг 1/16 финал босқичидан ўрин олган "Оқ-тепа" - "Обод" (0:5) учрашувидан кейин мезбонлар мураббийи Александр Китнинг фикрлари билан қизиқдик.

- Ҳозир ҳеч кимдан хато қидиришнинг мавриди эмас. Бугун ҳамма хато қилди. Умумий маънода жисмоний тарафдан ютқаздик. Боз устига, биринчи лигада ҳали мавсум бошланмагани ҳам бизга панд берди. Хатолар устида ишлаймиз ва уларни бартараф қиламиз.

Ҳа, бугун ҳисоб йирик кўриниш олди. Очиғи, ҳеч ким бундай бўлишини кутмаганди. Аммо бу -футбол. Футболда бундай ҳолатлар учраб туради. Бугун мағлубиятга учрадик. Энди бу ўйинни унутган ҳолда чемпионат баҳсларига тайёргарлик кўрамиз.