"Нефтчи" легионери Александр Ешич: "Пенальти бўлган вазиятда контакт бор эди"

Унда "Нефтчи" 89-дақиқада Шаҳзод Убайдуллаевнинг пенальтидан урган голи эвазига ғалабага эришди. Ушбу пенальтини фарғоналиклар легионери Александр Ешич ишлаганди. Биз Ешич билан боғланиб, ўйин ҳақидаги фикрлари билан қизиқдик.


- Мавсумнинг илк учрашуви ҳақида нима дея оласиз?
- Жуда қийин ўйин ортда қолди. Ҳар доим биринчи ўйин оғир бўлади. Биз бутун баҳс давомида ўз ўйинимизни кўрсатишга ва рақибга максимал тарзда босим қилишга уриндик. Яратилган кўп вазиятлардан фойдалана олмадик, аммо учрашув охирида бизга омад кулиб боқди.

- Пенальти белгиланган вазият ҳақида гапириб беринг...
- Пенальти бўлган вазиятда контакт бўлганди, агар ҳакам VAR'ни кўрса бунга ишонч ҳосил қилишини билардим. Якунда шундай ҳам бўлди. "Қўқон-1912"га ажойиб ўйин учун раҳмат айтаман. Бизнинг жамоага эса ғалаба муборак бўлсин, энди кейинги баҳсга тайёргарликни бошлаймиз. Олдинга ҳаракат қилишда давом этамиз.

Саидабзал суҳбатлашди