“Ал-Жазира” иккинчи даврани ғалаба билан бошлади

“Бунёдкор”нинг Осиё Чемпионлар лигаси-2015 “плей-офф” босқичидаги рақиби Абу-Дабининг “Ал-Жазира” клуби 14-тур доирасида аутсайдер “Ажман”ни қабул қилиб, иродали 3:1 ҳисобида ғалаба қозонди. Аввалига 44-дақиқада Кривелларо “Ал-Жазира” дарвозасига тўп киритиб, “Ажман”ни ҳисобда олдинга олиб чиқди. Бироқ иккинчи бўлимда ташаббус тўлиқ Эрик Геретс шогирдлари томонида бўлди. Вучиничнинг дубли ва Ланзини томонидан киритилган гол якунда “Ал-Жазира”га 3:1 ҳисобидаги ғалабани тақдим қилди.

БАА чемпионати. 14-тур
4 февраль.
“АЛ-ЖАЗИРА” – “АЖМАН” 3:1 (0:1)
Голлар: Кривелларо 44 (0:1), Вучинич 50 (1:1), Вучинич 58 (2:1), Ланзини 71 (3:1)
“Ал-Жазира” таркиби: 36.Ҳалид Ал-Сенани, 60.Саид Башир, 23.Ҳалид Сабел (82.Султон Ал-Сувайди 74), 4.Ёсир Матар (45.Аҳмад Ал-Ғилани 59), 28.Саиф Ҳалфан Саид, 8.Абдулла Муса, 10.Ланзини, 13.Ҳамис Исмоил, 9.Вучинич, 11.Питроипа, 7.Али Аҳмад Мабхут (22.Ҳалфан Ал-Шамси 85)

Абу-Даби жамоаси 14-турдан сўнг 30 очко жамғарган ҳолда мусобақа жадвалида пешқадамлик қилмоқда.