"Ал Ваҳда" - "Локомотив" учрашувини яна ўтган йилги ҳакам бошқаради
03 may 2019 16:22
News

"Ал Ваҳда" - "Локомотив" учрашувини яна ўтган йилги ҳакам бошқаради

7 май куни "Локомотив" Осиё чемпионлар лигаси 5-тур учрашувини ўтказади.

"Темирйўлчилар" БААнинг Абу Даби шаҳрида "Ал Ваҳда" меҳмони бўлишади. Мазкур учрашувни худди ўтган йилгидек яна гонгонлик ҳакам Лиу Квок Ман бошқариб боради. Фақат унга қанотларда бошқа ҳакамлар ёрдам беришади.

Эсингизда бўлса, "Локомотив" ўтган йил ҳам "Ал Ваҳда" билан битта гуруҳдан ўрин олган ва сафарда кечган баҳсда рақибини 4:1 ҳисобида мағлуб этганди. Ўшанда ўйинни гонконглик ҳакам бошқарган.

"Zayed Sports City Stadium" стадионида кечган баҳсда Сардор Мирзаевнинг дубли, Санжар Шоаҳмедовнинг голи ҳамда мезбонлар футболчиси Рашиднинг автоголи "Локо"га ғалаба келтирган. Умид қиламизки, бу йил ҳам "Ал Ваҳда" билан кечадиган беллашув "Локо" учун омадли бўлади.

Link :

Source : lokomotiv.uz

Receive latest football news directly on your phone. Subscribe for our Telegram channel!

Rating: +3