"Ал Насср" тез орада Дель Пьеро билан музокара ўтказади
06 oct 2023 12:41
News

"Ал Насср" тез орада Дель Пьеро билан музокара ўтказади

Машҳур италиялик янги иш топиши мумкин.

"Ювентус" ва Италия терма жамоаси собиқ ҳужумчиси Алессандро Дель Пьеро тез орада "Ал Насср" билан музокара олиб боради. Араб клуби "кекса синьора" собиқ сардорига спорт директори лавозимини таклиф қилди, деб хабар бермоқда "Calciomercato".

Дель Пьеро португалиялик юлдуз Криштиану Роналду томонидан илгари сурилган "Ал Насср" таклифини муҳокама қилиш учун яқин соатларда Ар-Риёдга учади.

Қайд этилишича, бир неча ой олдин Дель Пьеро "Ювентус"га қайтиш ҳақида ўйлаган, бироқ кейинчалик бу фикрдан воз кечишга қарор қилган.

"Sky Sport"нинг италиялик маслаҳатчиси сентябрь ойида УEФА профессионал мураббийлик курсига ёзилишга қарор қилди ва энди Саудия Арабистонида менежерлик тажрибасини орттиришга интилмоқда.

Link :

Source : Calciomercato

Receive latest football news directly on your phone. Subscribe for our Telegram channel!

Rating: +9