"Ал Насср" ҳимоячиси Европага қайтиш учун маоши сезиларли даражада камайишига ҳам рози

"Ал Насср" ҳимоячиси Эмерик Ляпорт Европага қайтмоқчи, дея хабар берди "Football Espana". 

Бунинг учун футболчи маоши сезиларли даражада камайишига ҳам тайёр. Унга Мадриднинг "Атлетико" клуби қизиқиш билдирмоқда. "Матрасчилар" Робен Ле Норман билан жуфтлик яратиш учун ҳимоячи қидирмоқда.

Ляпорт бир мавсумни "Ал Насср" сафида ўтказди. 30 ёшли марказий ҳимоячи ўтган мавсум барча турнирларда 40 та ўйин ўтказиб, 4 та гол урган ва 1 та голли узатмани амалга оширганди.