“Ал-Муҳаррақ” легионерлари ҳақида нималарни биламиз?

Бугунги кунги рақиб сафида 4 нафар легионерлар тўп тепади. Қуйида улар борасида маълумот берамиз. 

Шу ўринда клубнинг легионер танлаш сиёсатига бир назар солсак. “Ал-Муҳаррақ” Баҳрайнинг молиявий томондан жуда бақувват клуби ҳисобланади. Клуб раҳбарияти хориждан футболчи таклиф қилишда жуда ҳам “қайсар” дейиш мумкин. 

Легионерлар

Жорий мавсумда “Ал-Муҳаррақ” 4 нафар легионерлар хизматидан фойдаланмоқда. Хусусан, икки нафар иорданиялик, бир нафар нигериялик ва яна бир нафар бразилиялик чарм тўп усталари билан шартнома имзоланган. 

Маҳмуд ал Марди – Иордания 

Маҳмуд Марди 1993 йилнинг 6 октябрь куни Иорданиянинг Ақаба шаҳрида дунёга келган. Фаолияти давомида Иорданиянинг кўплаб жамоалар шарафини ҳимоя қилган. 2021 йилдан бошлаб эса Баҳрайнинг “Ал-Муҳаррақ” клубида тўп тепади. Марди Иордания миллий терма жамоаси аъзоси ҳам ҳисобланади. У 2015 йилдан буён терма жамоада ўйнаб келади. Футболчи ҳужумкор ярим ҳимоячи сифатида майдонда ҳаракат қилади. 

Ноор Ал-Равабдеҳ – Иордания

Бу футболчи – 1997 йилнинг 24 февраль куни Иорданиянинг Амман шаҳрида дунёга келган. Ярим ҳимоя амплуасида тўп тепадиган Ноор 2017-2021 йиллар оралиғида “Ал-Жазира” клубида ўйнади. 2021 йилдан бошлаб “Ал-Муҳаррақ”га кўчиб ўтди. У ҳам Иордания миллий терма жамоаси аъзоси ҳисобланади ва 2018 йилдан буён 12та учрашувда майдонга тушган. 

Мозес Жона – Нигерия

Жона – 1997 йилнинг 17 декабрь куни Нигериянинг Лагос шаҳрида дунёга келган. Ярим ҳимоя амплуасида тўп тепади. У ҳам 2021 йилдан бошлаб “Ал-Муҳаррақ”да ўйнайди. Айтиш керакки, Жона ҳақида айтрали маълумотларни топишнинг имкони бўлгани йўқ. Шуниси маълумки, у клубга келганидан буён ОФК кубоги доирасида жамоасига муҳим бўлган голлар киритди. 

Флавио Кариоса – Бразилия

Кариоса – 1988 йилнинг 11 декабрида Бразилияда дунёга келган. Фаолиятини катта қисмини ватанида ўтказган Флавио 2019 йилда Мальта чемпионатга кўчиб ўтди. У ерда “Сиренс” ва “Флориана” клублари шарафини ҳимоя қилди. 2021 йилдан бошлаб эса “Ал-Муҳаррақ”да тўп тепади. Марказий ҳужумчи бўлган қаҳрамонимиз ОФК кубогида жамоаси сафида кенг кўламдаги ишларни бажаради.