“Ал Файсали” Қаршига келишдан олдин ғалаба қозонди

Бўлиб ўтган учрашувда рақибимиз “Ал Ярмук” жамоаси билан куч синашди. Учрашувда Амман шаҳри клуби 2:0 ҳисобида ғалаба қозонишди ва турнир жадвалида юқорига кўтарилиб олишди. “Ал Файсали” бу ғалабадан сўнг 3-ўринни банд этди.

Учрашувдаги дастлабки голни 17-рақам остида тўп тепадиган ҳимоячи Салим Алажалин 12-дақиқада урди. Иккинчи голни эса 37-дақиқада, 99-рақам остида тўп тепадиган польшалик ҳужумчи Лукаш Гикевич урди.

"Ал Файсали" ўйинни қуйидаги таркиб билан бошлади.

Дарвозабон: 12.Язид Абу Лайли.
Ҳимоячилар: 19.Анас Бани-Ёсин, 20.Анас Алжабарот 17.Салим Алажалин, 25.Ёсир Алравашдеҳ.
Ярим ҳимоячилар: 13.Халил Бани-Адияҳ, 10.Маҳди Аламих, 37.Маҳмуд Алмарди, 7.Юсуф Алравашди, 77.Албен Меҳа.
Ҳужумчилар: 99.Лукаш Гикевич.

Клуб расмий сайтида “Ал Файсали” 26 январь пайшанба куни Ўзбекистонга жўнаб кетиши айтилган.

"Ал Файсали" Қаршига келадиган кун маълум бўлди