"Актобе" чемпион бўлиши учун бир қадам қолди
05 oct 2013 20:26
News

"Актобе" чемпион бўлиши учун бир қадам қолди

Бугун Қозоғистон чемпионатида 29-тур ўйинлари бўлиб ўтди. "Актобе" ўз майдонида "Иртиш"ни қабул қилди. Хабарингиз бор, иккала жамоада ҳамюртларимиз тўп тепишади.

Учрашувда чемпионлик учун курашаётган "Актобе" 3:1 ҳисобида зафар қучди. Мезбонлар сафида Темур Кападзе тўлиқ ўйнади, Александр Гейнрих эса 89-дақиқада алмаштирилди. "Иртиш"да эса Улуғбек Бақоев тўлиқ ҳаракат қилган бўлса, Камолиддин Мурзоев 73-дақиқада захирадан майдонга тушди.

Таъкидлаш лозимки, "Актобе"ни таъқиб қилаётган "Остона" клуби ўз майдонида "Қайрат"га имкониятни бой бериб қўйди 1:2. Шу сабабли энди мавсум тугашига 3 тур қолганида "Актобе" иккинчи ўриндаги "Остона"дан 6 очкога илгарилаб кетди.

АКТОБЕ - ИРТИШ - 3:1 (1:1)
Голлар: Шомко, 17 (0:1). Давидов, 45 (1:1). Арзуманян, 47 (2:1). Хайруллин, 76 (3:1).

Link :

Source : championat.asia

Receive latest football news directly on your phone. Subscribe for our Telegram channel!

Rating: