Акром Комилов: “Натижа ўйинга мос тушмади”

Учрашувдан сўнг микст-зонада “қалдирғочлар” ҳимоячиси Акром Комилов баҳс ҳақида фикрларини билдириб ўтди.

- Фақат натижани ҳисобга олмаганда, ўйин яхши ўтди. Менимча пенальти йўқ эди. Ҳисобда ортда бораётганимизда бир қатор голли вазиятларни яратдик. Бироқ ўзимиз бундан унумли фойдалана олмадик. Ўйламанки натижа баҳсга мос тушмади. Энди эътиборимизни бўлажак баҳсларга қаратиб, ижобий натижа қайд этишга харакат қиламиз.

- Бугун ҳужумчиларимизга озгина аниқлик етишмади.

- Ўйиндан олдин фақат ғалаба ҳақида ўйлагандик. Хатто дуранг қониқтирмасди. Афсуски қимматли уч очкони бой бердик.

- “Персополис” яхши жамоа эканлигини айтишим мумкин. Бугун уларнинг ҳимоя чизиғи яхши ўйнади. Тўп учун курашларда ютқазмасликка уринди.

- Бугун ўзимнинг ўйинимдан қониқиш хосил қилмадим - дейди Акром Комилов.

Исломбек Рустамбеков ёзиб олди.