Акром Комилов: "Майдон сифати? Озгина қийналдик"
08 jun 2019 12:20
News

Акром Комилов: "Майдон сифати? Озгина қийналдик"

Акром Комилов КХДРга қарши учрашувдан сўнг сайтимизга қисқа интервью берди.

- Акром, бугунги ўйин қандай ўтди?

- Ўйин ҳақида келадиган бўлсак, олдин ҳам КХДР га қарши учрашувлар оғир ўтган. Бугунги ўйинда олдингига қараганда яхшироқ ўйнадик деб ўйлайман. Шуниндек, Купер томонидан қўшимча вазифалар берилган эди ва биз уларни яхши бажардик. Шу сабабдан, бугун ҳақли ғалаба қозондик деб ўйлайман.

- Майдон чими янгиланди. Янги чимнинг сифати ҳақида нима дея оласиз?

- Майдон чими яхши, лекин сал юмшоқроқ экан. Майдоннинг чими янгилиги ва чимнинг таги қотмаганлиги сабабли кўчишлар бўлди. Озгина қийналдик, аммо 1-2 ойлардан сўнг яхши бўлиб кетади деб ўйлайман.

Эслатиб ўтамиз, Акром Комилов КХДР (4:0)га қарши ўйинни асосий таркибда бошлаб, учрашувда тўлиқ ҳаракат қилди.