Акром Баҳромов: “Шўртан” ёшларининг ғалабаларида Асрор Алиқуловнинг хиссаси катта"

Унда Асрор Алиқулов бошчилигидаги “Шўртан” ёшлари ўз майдонида водий жамоаси “Қўқон-1912”га қарши кураш олиб боришади.

Ўтган турда ғузорликлар  сафарда “Қўқон-1912”  ёшларига қарши кескин баҳсда мавсумдаги биринчи мағлубиятини қабул қилган эди.

Шуни айтиш жоизки, “Шўртан” ёшлар жамоаси  7-турдан сўнг турнир жадвалида  12 очко жамғарган ҳолда  учинчи поғонани банд этиб туришибди. Қўқонлик ёшлар турнир жадвалида 11 очко билан тўртинчи ўринни банд этишиб турибди. Улар бир очко фарқли улароқ “оқ бўрилар”ни таъқиб қилишмоқда.

“Шўртан” жамоасининг муваффақиятли ўйинларида маҳаллий футболчиларнинг хиссалари катта бўлмоқда. Шулардан бири ёш иқтидорли  ярим ҳимояси Акром Баҳромовдир.  Мазкур қизиқарли  баҳс олдидан футболчини қисқа суҳбатга тортдик.

- Бу йилги мавсумда жамоа олдига қандай мақсадлар қўйилган?
- Кучли бешликдан мустаҳкам ўрин олиш асосий режамизга киради. Ҳозирда буни удаллаяпмиз. Ишончим комилки, мавсум охиригача чемпионлик учун кураш олиб борамиз.

- Кейинги турларда жамоангиз билан барқарор ўйин намойиш этмоқдасизлар. Бунинг сири нимада деб ўйлайсиз?
- Бош мураббиймиз Ўзбекистонда катта тажрибага эга кучли футболчи сифатида танилган. Жорий мавсумдан ёшлар жамоасида мураббий сифатида иш бошлади. Албатта, Асрор аканинг хатти-ҳаркати эвазига ҳар бир ўйинга пухта тайёргарлик кўраяпмиз. Жамоа мураббийлари Асрор Алиқулов  Баҳодир Шаймардонов ва Акмал Саиткуловларнинг ҳамжиҳатлиги  туфайли менимча муваффақиятлар омили шунда бўлса керак.  

- “Пахтакор” билан кечган учрашувга солиштирадиган бўлсак, жамоа ўйинида олдинга силжиш кўзга ташланмоқда?
- Ҳа, мен ҳам шундай фикрдаман. Ўйин сифати борасида ҳам, футболчиларнинг майдонда бир-бирларини тушунишлари жиҳатидан ҳам ўсиш бор. Ва энди жамоанинг ўзига хос ўйин услуби шаклланмоқда, дейишим мумкин.

- Бугунги учрашув ҳақида тўхталсангиз?
- Ҳар икки жамоа ғалабага бўлган иштиёқни намойиш этишади.чунки бизга ҳам, рақибимизга ҳам очко зарур. Шу  сабаб майдондаги футболчилар ғалаба учун астойдил ҳаракат қилишади. Насиб бўлса зафарли одимларимизни давом этиб ғалаба билан ортга қайтмоқчимиз.
 

Фаҳриддин Чориев суҳбатлашди