Акрам Баҳриддинов: "Ижобий натижага эришиш ниятидамиз"

Ўйиндан олдин "Навбаҳор" ярим ҳимоячиси Акрам Баҳриддинов ўз фикрлари билан ўртоқлашди: - Бухорода осон бўлмаслиги барчага маълум. Негаки, бухороликлар сўнгги ўйинларда яхши натижаларни қайд этишмоқда. "Пахтакор" жамоасини икки бор мағлубиятга учратиш орқали кўтаринки кайфиятни хумкронлик қилишига сабабчи бўлишди. Ўз навбатида жамоамизни ҳам ёмон ҳолатда деб бўлмайди. Яъни яхши формадамиз. Кўҳна шаҳарга фақат ғалаба илинжида келганмиз. Бундан бошқача бўлиши ҳам мумкин эмас. Ҳар ҳолда узоқ йўл босиб, шунчаки саёҳат учун келганимиз йўқ. Худо хоҳласа, ижобий натижага эришган ҳолда Наманганга қайтишни ният қилганмиз. Шу билан биргаликда мухлисларимизни хурсанд қилишни олдимизга мақсад қилиб қўйганмиз, - дейди футболчи.

"Навбаҳор" матбуот хизмати