Акмал Холмуродов: “Бу мавсумда киритилган ҳар бир очко олтинга тенг”

Ушбу баҳс олдидан “Сўғдиёна” жамоаси сардори Акмал Холмуродов ўз фикрлари билан ўртоқлашди.

- “Нефтчи” жамоасига қарши баҳсга яхши тайёргарлик кўрган эдик. Аммо ўзингиз гувоҳи бўлганингиздек кучли шамол сабаб ўйин жуда қийин ўтди. Рақиблар ҳам, биз ҳам ўз ўйинимизни намойиш эта олмадик.

“Сўғдиёна” “Бухоро” жамоасига қарши баҳс олиб боради. Ушбу баҳсга тайёргарлик қандай олиб борилди ва ўйиндан олдин фикрларингиз.

- “Бухоро” жуда яхши шаклланган жамоа. Рақиб жамоа таркибида тажрибали футболчилар йиғилган. Биз Бухорога уч очко олиш учун келдик. Ушбу мавсумда қўлга киритилган ҳар бир очко олтингга тенг. Жамоа ўйинга шай. Насиб қилса жиззахлик мухлисларни хурсанд қиламиз деган умиддамиз - дейди жамоа сардори Акмал Холмуродов

Шу ўринда эслатиб ўтамиз, “Бухоро”-“Сўғдиёна” ўйини 16 март куни соат 20:00 да “Бухоро”даги марказий ўйингоҳида бўлиб ўтади.