Акмал Холматов: "Натижадан хурсандмиз"
02 jul 2016 12:44
News
![](https://championat.asia/upload/storage/207835_original.jpg)
![](/upload/storage/207835_220.jpg)
Акмал Холматов: "Натижадан хурсандмиз"
“Нефтчи” – “Металлург” жамоалари учрашувини томошабинлар сафида кузатган Акмал Холматовнинг фикрлари билан қизиқдик.
“Нефтчи” ҳамиша ўз олдига катта мақсад ва вазифаларни қўйиб ўйнайдиган жамоа. Бу йилги мавсумни “Нефтчи” бир текисда ўтказа олмаётганди. Ғалабалар кутилмаган мағлубиятлар, кераксиз дуранглар билан алмашиниб турганлиги сабабли ишқибозларнинг кўнгли тўлмаётганди. Шу боисдан ҳам улар бугун биздан фақатгина ғалабани талаб этишди. Учрашувнинг биринчи таймида об-ҳавонинг иссиқлиги ҳар иккала жамоа ўйини сифатига таъсир кўрсатди. Иккинчи таймда эса мухлислар юқори темпли, ҳужумкор футболнинг гувоҳи бўлишди. Бугун ким биринчи бўлиб гол урса ўша жамоа ғалаба қозонарди. Шукурки, бу вазифани бизнинг жамоа аъзолари уддалашди. Натижадан хурсандмиз. Давралар оралиғидаги таътил арафасида жамоамизга ютуқ сув ва ҳаводек зарур эди. Энди иккинчи даврага тайёргарликни бошлаймиз. Қисқа танаффусдан сўнг тиббий кўрикдан ўтамиз. Мен ҳам иккинчи даврадан эътиборан бевосита майдонда тушишимни, жамоадошларимга ёрдамим тегишини сабрсизлик билан кутаяпман. Насиб бўлса мавсумни юқори ноталарда, кучлилар сафида якунлашни мақсад қилганмиз, дейди Акмал Холматов.
"Металлург" матбуот хизмати
"Металлург" матбуот хизмати
Link :
Source : championat.asia
Receive latest football news directly on your phone. Subscribe for our Telegram channel!
Similar news
![AMP Logo](https://championat.asia/image/logo-amp.png)
Comments