Акмал Турсунбоев: “Нефтчи” билан ўйинда мухлисларимизни қувонтиришимиз керак”

Ҳар икки жамоага ҳам ғалаба сув ва ҳаводек зарур. Қизиқарли кечиши кутилаётган баҳс олдидан “Андижон” посбони Акмал Турсунбоевнинг фикрлари билан қизиқдик.

- Албатта, “Нефтчи” билан ҳам бизни қийин ўйин кутиб турибди. Умуман олганда элитада осон учрашувларнинг ўзи йўқ. Афсуски ўтган турда Қўқонда мағлуб бўлдик. Жуда аламли мағлубият бўлди. Энди фарғоналикларга қарши баҳсда ютмасак бўлмайди. Мухлислар ғалаба қозонишимизни соғиниб қолди. Уларни хурсанд қилиш учун барчамиз астойдил тайёргарлик кўрдик.

- “Қўқон-1912” билан ўтган учрашувдан сўнг Андижонда навбатдаги учрашувга тайёргарлик олиб борилди. Кунига икки маҳалдан машғулот ўтказдик. Йигитларнинг руҳий тайёргарлиги яхши деб ўйлайман. Муваффақиятсиз ўйинни тезроқ унутиб, навбатдаги учрашувга ҳозирлик кўрдик. Насиб қилса ушбу турда биринчи ғалабамизни нишонлаймиз.

- Ҳа, ўтган турда олий лигада дебют учрашувимни ўтказдим. Афсуски элитадаги биринчи ўйинимда дарвозамдан тўп ўтказиб юбордим. Бундай бўлишини сира истамагандим. Бироқ вазият шуни тақозо этди.

- “Нефтчи” билан учрашувда дарвозани ким қўриқлашини мураббийлар аниқлайди. Шахсан мен ўйинга тайёрман. Агарда яна имконият берилса, ишончни оқлашга ҳаракат қиламан, - дейди Турсунбоев.

"Андижон" матбуот хизмати