Latest news

00:55Фримпонг жароҳати қанчалик жиддий экани маълум бўлди  0 00:51Эдем Неманов: "Медаллар учун курашамиз ва барчаси ўзимизга боғлиқ"  0 00:50Владимир Бубанья: "Насиб бўлса, ўтиш ўйинларида иштирок этмаймиз"  0 00:39Вадим Абрамов: "Самарқанд ЖЧга мезбонлик қиладиган стадионга эга бўлиши керак. Чемпионлик учун курашмаётганимизга ўзимиз айбдормиз"  1 23:55Шерзод Жўраев: "Насаф"дек жамоага қарши футболчиларни алоҳида руҳлантириш шарт эмас"  0 23:30Месси МЛСдаги танаффус пайтида Саудия Арабистони клубига ўтмоқчи эди, аммо саудияликлар бунга рози бўлишмаган  22 23:11Расман: Лучано Спалетти "Ювентус" бош мураббийи этиб тайинланди  3 23:05Суперлига. "Навбаҳор" – "Насаф" 0:0  5 22:59Рўзиқул Бердиев ОКМК билан ўйиндан кейинги матбуот анжуманида айтган гаплари бўйича изоҳ берди (тўлиқ матбуот анжумани)  18 22:31Пирс Морган Криштиану Роналдунинг ҳаётидаги "энг очиқ" интервьюни эълон қилди. Суҳбат кейинги ҳафта премьера қилинади  4 22:02Ҳаким Фузайлов: "Жамоам 70 дақиқа футбол ўйнаяпти. Балки ўрнимга бошқа мураббий мавсумни тугатиб қўйгани маъқулдир"  5 21:39Лисандро оғир жароҳатидан сўнг МЮ машғулотларига қайтди  0 20:50Ибрагимович: "Интер"да бир қоида бор эди: агар кетма-кет икки ўйинда ютқазсак, маошлар кечиктириларди"  2 20:35Суперлига. "Насаф" "Навбаҳор" майдонида очко йўқотди  202 20:27Суперлига. "Динамо" "Хоразм"ни ишончли тарзда мағлуб этди  11

Акмал Ортиқов: "Оила аъзоларим ўйинни стадиондан кузатишгани менга қўшимча куч бағишлади" News

Акмал Ортиқов: "Оила аъзоларим ўйинни стадиондан кузатишгани менга қўшимча куч бағишлади"

Хабарингиз бор, куни кеча Сoca-Cola Суперлиганинг 7-тури доирасида "Турон" - "Пахтакор" (1:1) учрашуви якунида яйпанликлар дарвозабони Акмал Ортиқов учрашувнинг энг яхши футболчиси деб топилди.

 Шунингдек, тажрибали дарвозабон Championat.asia талқинига кўра 7-тур рамзий терма жамоасига киритилди ва мазкур турнинг энг яхши дарвозабони дея эътироф этилди. Сайтимиз мухбири "Турон" дарвозабони Акмал Ортиқов билан интервью ташкил этди.

- Сиз "Турон" - "Пахтакор" учрашувининг энг яхши футболчиси деб топилдингиз. Шунингдек, Championat.asia талқинига кўра рамзий терма жамоага киритилдингиз. Бундай эътироф футболчига қандай мотивация беради?

- Албатта кечаги "Пахтакор" билан ўтган ўйин биз учун омадли кечди. Жамоамиз мураббийлар штаби бу учрашувга бизни алоҳида дастурлар асосида тайёрлаганди. Ўйинда энг яхши деб топилганим менга кейинги ўйинларда куч ва қўшимча иштиёқ бағишлайди. Бундан ташқари бу эътироф менга катта масъулият юклайди, албатта бундай эътирофга муносиб ҳаракат қилишим зарур.

- Ўтган учрашувларда "Турон"да энг кўп танқидлар дарвоза чизиғига бўлаётган эди. "Пахтакор"га қарши ўйинда эса мухлислар олқишига кўпроқ айнан дарвозабон лойиқ кўрилди. Бу натижага қандай эришилди?

- Аввалги ўйинларда хатога йўл қўйиб жамоамизни қийин аҳволга солиб қўйгандим. Хатолардан тўғри хулоса чиқарган холда машғулотларда астойдил ишладик. Меҳнатларимиз самараси кечаги ўйинда ўз самарасини берди. Шу ўринда "Турон"да дарвозабонлар мураббийи вазифасида ишлаб келаётган Бекзод Турғуновнинг хизматларини ҳам алоҳида эътироф этиш жоиз. Кейинги ўйинларда ҳам кечаги учрашув каби фаол ҳаракат қилиб жамоамизга сидқидилдан ёрдам беришга ҳаракат қиламан.


 


- Билишимизча, "Пахтакор" билан ўйинни оила аъзоларингиз стадиондан кузатишган. Кечаги ўйиндаги фаоллигингизга мана шу омил ҳам сабаб бўлди деб ҳисоблайсизми?

- Кечаги ўйин жамоамиз учун муҳим аҳамият касб этарди. "Пахтакор"га қарши бўлиб ўтган баҳсни оила аъзоларим бевосита майдондан кузатишгани албатта қўшимча куч ва ғалабага бўлган иштиёқ бағишлади.

- Жамоани олдинда қисқа фурсат ичида 2 та муҳим ўйин кутиб турибди. 10 май куни АГМК, 13-куни эса "Қизилқум" билан ўйнайсизлар. Шу учрашувлар ҳақида нималарни айта оласиз?

- Кейинги ўйинлар "Турон" учун жуда муҳим. Олдиндаги учрашувларда насиб бўлса тарихий ғалабамизни қўлга киритган холда мухлисларимизни хурсанд қиламиз деб ўйлайман.

- Акмал Ортиқов машҳур дарвозабонлар орасида кимни ўз идеали сифатида кўради?

- Авваллари машҳур дарвозабонлардан Икер Касильяснинг ўйинларини мириқиб томоша қилардим. Ҳозирда Кейлор Наваснинг ҳаракатларини кузатиб бораяпман.

- "Турон" мухлисларига қандай тилакларингиз бор?

- Биласизми, бу мен учун энг муҳим савол. "Турон" мухлислари шахсан мендан сўрасангиз энг зўри. Best of the best. Уларга ҳамиша соғлиқ-саломатлик тилайман.



Бекзод Толибов ёзиб олди

Rating: +6   

Comments

championat.asia
< show latest news
Яндекс.Метрика