Акмал Мозговой: "Россия – тажриба орттириш учун қулай рақиб"

- Россия билан ўйиндан нималарни кутяпсиз?

- Россия яхши ва тажриба орттириш учун қулай рақиб. Эртанги баҳс қийин ўтади деб ўйлайман. Аммо мураббийимиз кўрсатмаларига амал қилиб, ижобий натижага эришамиз ва мухлисларни хурсанд қиламиз деган умиддаман.

- Сречко Катанец назарий машғулотларда кўпроқ Россиянинг қайси жиҳатларига эътибор қаратишни сўраяпти?

- У киши рақиб кўп паслашмалиги, рақибни ортда қолдиришга эътибор бериши ва зарба йўллашга таяниб ўйнашини айтди. Ўшанга қараб ҳаракат қиламиз.

- Тожикистон-Россия ўйинида 0:0 қайд этилгани сизларни ҳайрон қолдирдими? 

- Йўқ. Россиянинг айрим ўйинчилари баҳсда қатнашмади. Майдон ҳам сунъий эди.

- Суперлига якунлари ҳақида фикрингиз қанақа? Ҳам ижобий, ҳам салбий бўлса керак-а?

- Ҳа, айтганингиздек, ҳам ижобий, ҳам салбий. Кубокни ютганимиздан хурсандмиз. Сал омадимиз келмади, ҳаракат қилгандик. 

- Менимча, "Нефтчи" билан учрашувни кўп эслаб юрсангиз керак...

- Ҳа. Унутишга ҳаракат қилдик, лекин қийин. Ҳаммаси ўз қўлимизда эди.

- Кейинги мавум ҳам "Насаф"да қолиб, бу йил амалга ошмаган режани якунига етказиб қўясизми?

- Худо хоҳласа, "Насаф"да қолиб, чемпионлик учун курашамиз.