Акмал Мозговой: "Гол ўтказиб юборганимиздан кейин шокка тушмадик ва охиригача ҳаракат қилдик"

- Авваламбор, ғалаба билан табриклайман! Ўйин бошида олдинроқда ўйнадингиз, гол уриш ҳақида ўйлаганмидингиз?

- Энди биринчи ўринда жамоага ёрдам беришни ўйлаймиз. Гол урганимга келсак, жамоага ёрдам берганимдан хурсандман.

- Охирги ўйинларда Умар Эшмуродов таянч зонасида ҳаракат қилмоқда. Бу сиз ва Маркога қийинчилик туғдирмаяпти, чунки, Эшмуродов учун бу позиция бироз нотаниш.

- Йўқ, аксинча. Умар ака анча тажрибали ўйинчи. Олдинга ўтиб кетсак, орқа чизиқда анча ёрдам бермоқда.

- “Навбаҳор” ҳисобни тенглаштирган кейин жамоада қандайдир шок ҳолати юз бергандек бўлди. Жамоанинг кайфияти тушиб кетди. Бу сизларга қандай таъсир қилди?

- Йўқ, у қадар шокка тушмадик. Ўйин ҳали давом этишини барча тушуниб тургандик. Ҳали вақт бор эди ва охиригача ҳаракат қилдик. Натижа ҳам яхши бўлди. Худо хоҳласа, Суперлига чемпионлигини ҳам қўлга киритамиз.

Фахриддин Рўзиев ёзиб олди