Аҳрол Рисқуллаев мавсум охиригача дисквалификация қилинди

Дастлабки даврада "Динамо" таркибида 9та ўйинда майдонга тушган ҳимоячи давралар оралиғида бир муддат Наманганнинг "Навбаҳор" клуби сафида кўрикда бўлган. 

Бироқ иккинчи давра бошланиши арафасида Рисқуллаев яна "Динамо"га қайтиб келганди. 

ПФЛ футболчини мавсум охирига қадар дисквалификация қилиш ҳақида қарор чиқарди. Бунга сабаб қилиб футболчининг Самарқанд клуби билан шартномаси бўла туриб "Навбаҳор" йиғинида иштирок этгани кўрсатилмоқда. 

Олдинроқ "Динамо"нинг яна бир ҳимоячиси Александр Клецков ҳам дисквалификация қилинганди.