Агуэро Рунига етиб олиши учун 1та гол қолди, олдинда эса фақатгина Анри бор

Мезбонлар форварди Серхио Агуэро мазкур баҳсда ўз ҳисобига 1та самарали узатма бериш билан бирга, ўз номини таблога ҳам ёздириб қўйди. Агуэронинг «Этиҳад» ўйингоҳидаги голлари сони 100тага етди. Энди аргентиналик ҳужумчи уй стадионида урилган голлар бўйича англиялик футболчи Уэйн Рунининг натижасини («Олд Траффор»даги голлари – 101та) такрорлаши учун битта гол урса кифоя қилади.

Бу борада етакчилик эса «Арсенал»нинг собиқ аъзоси Тьерри Анрига тегишлидир. У лондонликларнинг аввалги стадиони «Хайбери»да рақиблар дарвозасини 114 марта ишғол қилганди.