Агуэро “Реал”га қарши ўйинни ўтказиб юборади

“Манчестер Сити”нинг аргентиналик ҳужумчиси Серхио Агуэро 7 августда ўтиши режалаштирилган ЕЧЛ 1/8 финали доирасида “Реал”га қарши ўйинни ўтказиб юборади. Агуэро АПЛ 30-тури доирасида “Бёрнли”га (5:0) қарши баҳсда жароҳат олганди. 24 июнда футболчи Испанияда операция қилинган. Футболчининг “Реал”га қарши ўйинга қадар тиклана олмаслиги маълум бўлди.

2019/20 йилги мавсум Агуэро “шаҳарликлар” сафида 32 та ўйин ўтказиб, 23 та гол урди ва 3 та голли узатма берди.