Агуэро Гвардиоланинг ёрдамчисига: “Улар менга оширмаяпти!”
17 mar 2021 19:30
News

Агуэро Гвардиоланинг ёрдамчисига: “Улар менга оширмаяпти!”

“Ман Сити” форварди Серхио Агуэро ЕЧЛ 1/8 финали доирасида ўтган “Боруссия М”га қарши баҳсда жамоадошларининг ҳаракатидан норози бўлди.

Ҳужумчи 75-дақиқада захирадан майдонга тушиб, 16 дақиқа ўйнади. Учрашув тугаши билан эса Серхио Пеп Гвардиоланинг ассистентига: “Улар менга оширмаяпти!”, деган.

Аргентиналикнинг жамоа билан шартномаси жорий йил ёзида тугайди ва янги битим ҳозирча имзоланмаган. Аввалроқ, 32 ёшли футболчи билан “Барселона” қизиқаётгани айтилган эди.

У жорий мавсум АПЛда 8 ўйинда қатнашиб, битта гол урди.