АГМК Россия клубига ютқазди

Топкапе спорт мажмуасида бўлиб ўтган бу учрашувда жамоа таркибида шуғулланаётган 16 нафар футболчи иштирок этди. Ўйин борасида тўхталадиган бўлсак, хавфли вазиятлар яратиш борасида катта устунликка эга бўлган АГМК футболчилари рақиб посбонини доғда қолдиришда оқсашди. Рақиб аксинча кам сонли ҳужумларидан унумли фойдаланди. 33-дақиқада дарвозабондан қайтган тўпни дарвозага йўллаган нижнекамсликлар, ўйиннинг 75-дақиқасида пенальтидан унумли фойдаланишди.

АГМК эртага яна бир ўртоқлик учрашувида майдонга тушади. Сиде шаҳрида ташкил этиладиган баҳсда АГМКга яна бир бор Украина чемпионати вакили "Заря" рақиб вазифасини ўтайди. Январь ойида бўлиб ўтган баҳсда Луганск шаҳри жамоаси 3-0 ҳисобида зафар қучганди.