АГМК ОЧЛ-2021да ўйнайди, "Насаф" ОФК кубогида ўйнаши мумкин...

ОФК "Насаф"га истисно тариқасига лицензия олиш учун сўнгги имкониятни бергани ҳақида хабар берилди. Championat.asia маълумотига кўра, "Насаф" барча ҳужжатларни юборишга улгурса, 2021 йил максимум ОФК кубогида иштирок этиши мумкин. Сабаби ОЧЛ лицензияси учун ҳужжатлар юбориш аллақачон якунига етган. ОФК Қарши клубига фақат ОФК кубогида қатнашиш учун имконият бермоқда. Маълумот учун, ОЧЛ ва ОФК кубоги учун лицензия олиш ўртасида жуда катта фарқ бор ҳамда талаблар турлича.

Шу тариқа, "Пахтакор" Ўзбекистон чемпиони сифатида ОЧЛ гуруҳ босқичида, АГМК эса бронза медали соҳиби сифатида ОЧЛ плей-офф босқичида иштирок этади. Сабаби мамлакат кубоги ярим финалига чиққан "Насаф" ва "Қўқон-1912" клублари ОЧЛ лицензиясини олишмаган. Шу боис, кубокни қайси жамоа қўлга киритса ҳам ОЧЛ плей-офф босқичида АГМК ўйнайди. 

Агар Олмалиқ клуби плей-офф орқали гуруҳ босқичига чиқа олса ва "Насаф" ҳужжатларни вақтида топшира олса, "Аждарлар" 2021 йилги ОФК кубогида қатнашишади. Агар АГМК плей оффдан ўта олмаса, Олмалиқ клубининг ўзи ОФК кубогида ўйнайди.