АГМК: Жамоани 5 футболчи тарк этди
18 jun 2018 22:44
News

АГМК: Жамоани 5 футболчи тарк этди

Tags : АГМК

"Локомотив"га қарши 15-тур учрашувидан сўнг қисқа таътилга чиққан АГМК машғулотларга қайтди.

Бахтиёр Ашурматов бошчилигида жамоа пойтахтдаги "Ўзбекистон" меҳмонхонасида истиқомат қилган ҳолда ўз машғулотларини ТТЙММ стадионида олиб бормоқда.

Ортда қолган учрашувлар якунига кўра АГМК 13 очко тўплаган ҳолда турнир жадвалининг 9-поғонасида бормоқда. Бу кўрсаткич табиийки жамоа мухлислари ва раҳбариятини қониқтирмаслиги аниқ. Шу сабабли, Бахтиёр Аъзамович жамоа таркибини шакллантириш йўлида бир қатор ўзгаришларни амалга оширмоқда.

Жамоа раҳбарияти, ўзаро келишувга асосида бир қатор футболчилар билан амалдаги шартномаларни бекор қилишга қарор қилди. Бунга кўра жамоани ҳужумчи Вадим Чемиртан, ярим ҳимоячилар Дилшод Жўраев, Отабек Зокиров, Санжар Рихсибоев ва ҳимоячи Миржалол Мирюсупов тарк этди.