АГМК барча ОАВ вакилларини матбуот анжуманига таклиф этади
01 aug 2019 14:15
News

АГМК барча ОАВ вакилларини матбуот анжуманига таклиф этади

2 август, жума куни АГМК футбол клуби ОАВ вакиллари учун матбуот анжумани ташкил этади.

АГМК футзал жамоасининг Клублар ўртасидаги Осиё чемпионатига қатнашиши муносабати билан клуб матбуот хизмати журналистлар билан учрашув уюштиради. Александр Петров бошчилигидаги футзал жамоаси Таиландда бўлиб ўтадиган клублар ўртасидаги Осиё чемпионатига кетиш олдида ОАВ вакиллари билан учрашади ва журналистларни қизиқтирган саволларга жавоб беради. Шунингдек, мазкур матбуот анжуманида клуб раҳбарияти ҳам иштирок этади.

Матбуот анжумани Тошкентдаги "Миран" меҳмонхонасида, 2 август куни, соат 14:15да бошланади. Мазкур анжуманга барча турдаги ОАВ ходимларини таклиф этилади.

Эслатиб ўтамиз, АГМК футзал жамоаси 7-18 август кунлари Таиланд пойтахти Бангкок шаҳрида бўлиб ўтадиган Осиё чемпионатида иштирок этади.

Link :

Source : АГМК матбуот хизмати

Receive latest football news directly on your phone. Subscribe for our Telegram channel!

Rating: +2