АГМК Ашурматов қўл остида илк ғалабасини нишонлади
23 jul 2018 22:43
News

АГМК Ашурматов қўл остида илк ғалабасини нишонлади

Олмалиқ шаҳрининг АГМК клуби Суперлиганинг 18-турида ғалабага эришди.

Ўз майдонида "Бухоро"ни қабул қилган олмалиқликлар Йован Жокичнинг иккита голи туфайли 2:0 ҳисобида ғалаба қозонишди. Натижада АГМК янги бош мураббий Бахтиёр Ашурматов қўл остида илк уч очкосини қўлга киритди.

Маълумки, бунгача АГМК Ашурматов устозлигида тўртта ўйинда майдонга тушиб, уч марта мағлубиятга учраган ва бир бор дуранг ўйнаганди. Бугунги ғалабадан сўнг АГМК ўз ҳисобидаги очколар сонини 17тага етказиб олди. Жамоа кучли олтиликка кира оладими-йўқми, буни кейинги тўртта ўйин кўрсатади. Ҳозирча АГМК 10-ўринда боряпти.

Бахтиёр Ашурматов шогирдлари навбатдаги турни Қаршида "Насаф"га қарши ўтказишади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +7