Африканинг энг яхши футболчиси номига даъвогарлар (Топ-10)

Африка Футбол Конфедерацияси Африканинг 2023 йилдаги энг яхши футболчиси бўлиш учун номзодлар рўйхатини эълон қилди.

Бу рўйхатга Риёд Марез (“Манчестер Сити”/"Ал Аҳли", Жазоир), Андре-Франк Замбо-Ангисса ("Наполи", Камерун), Венсан Абубакар ("Бешиктош", Камерун), Муҳаммад Салоҳ ("Ливерпуль", Миср), Ашраф Ҳакими (ПСЖ, Марокаш),  Софьян Амрабат ("Фиорентина"/"Манчестер Юнайтед", Марокаш), Яссин Буну ("Севилья"/"Ал Ҳилол", Марокаш), Юссеф Эн-Несири ("Севилья", Марокаш), Виктор Осимхен ("Наполи", Нигерия), Садио Мане ("Бавария"/"Ал Насср", Сенегал) киритилган.

Тақдирлаш маросими 11 декабрь куни Марокашнинг Марракеш шаҳрида Конгресслар саройида бўлиб ўтади.

Ўтган йили шу пайтда "Бавария"да ўйнаган Садио Мане Африканинг энг яхши футболчиси сифатида тан олинган эди.