Афғонистонлик болакай Мессининг энг машҳур мухлисига айлангани ҳақида...
03 feb 2016 15:12
News
Афғонистонлик болакай Мессининг энг машҳур мухлисига айлангани ҳақида...
Ҳа, бу ўша Аргентина терма жамоаси либосига ўхшаш целофан пакетни орқасига Месси исмини ёзиб, уни кийиб олган болакай.
Муртазо урушда вайрон бўлган Афғонистон жанубидаги Газни шаҳарчасида яшайди. У энди беш ёшга тўлган ва футболни ҳам Лионель Мессини жуда яхши кўради.
"Уйимиз олдида футбол майдони йўқ, фақат тўп бор - у ҳам тешилган" - дейди болакай.
Отасининг ўғлига ҳақиқий футбол кийими олиб беришга қурби етмас эди ва шу сабабли болакай жуда кўп йиғлаган. Унинг акаси Муртазога кўк пакетдан ажойиб форма ясаб берди - укасининг юзида табассум пайдо бўлди.
Қўлбола футболка кийиб олган болакайнинг суратлари тармоқда тарқалгандан сўнг, ҳамма уни қидириб қолди ва у тез орада топилди. Афғонистон футбол федерацияси тезда Муртазо оиласи билан боғланди: Аввалига болакайга "Барселона"нинг оригинал формаси тақдим этилди, кейинроқ эса кичик мухлис ва унинг севимли футболчиси билан учрашув ваъда қилинди.
"Биз учрашув уюштириш учун Лионель Месси ва "Барселона" билан боғландик" - дейди АФФ вакили Али Козими.
Бизни бахтли якунга эга яна бир ажойиб ҳикоя кутиб турган кўринади.


Similar news
championat.asia
Ла Лига. "Реал Мадрид" ўз уйида "Реал Бетис"га 5 та гол урди
АПЛ. "Ман Сити" "Челси"га қарши ўйинда 90+4 дақиқада тўп ўтказиб юборди ва ғалабани бой берди, Ҳусанов 51-дақиқада захирадан ўйинга қўшилди
Алижонов "Пахтакор"да қолиш учун йирик битимни рад этди
Ла Лига. "Барселона" сўнгги дақиқалардаги иккита гол эвазига "Эспаньол"ни мағлуб этди
Comments