Адриано Галлиани: “Роналду ва Дель Пьерони “Милан”га олиб келолмаганимдан жудаям афсусланаман”

“Тевес жамоага келиши керак эди. Аммо бу иш амалга ошмади.

Шунингдек, биз Дель Пьеро “Юве”га кўчиб ўтишидан олдин уни сотиб олиш ниятида эдик. У мен жамоага олиб келишни истаган, аммо бу ишни уддалай олмаган икки футболчимдан бири. “Падова” клуби уни бизга таклиф қилганди, бироқ футболчи учун 5 миллиард лир (тахминан 2,5 миллион евро) сўраганди. Бу жуда катта сумма эди ва бундай ёш футболчи учун биз бунча маблағни сарфлашни истамагандик.

Шунингдек Криштиану Роналду масаласида ҳам шундай ҳолатга тушгандик. У 16 ёшда эди. “Спортинг” эса футболчи учун 16 ёки 17 миллиар лир (тахминан 8,2 миллион евро) талаб қилганди. Биз Тоттини ҳам узоқ вақт кузатганмиз. Бироқ футболчи ҳеч қачон “Рома”ни тарк этишни истамаганди.

75 ёшли функционер 1986 йилдан 2017 йилга қадар “Милан”да фаолияти юритган.