Аброр Хусинов: "Олий лигада қолиш учун имкониятимиз бор"
30 oct 2016 22:09
News

Аброр Хусинов: "Олий лигада қолиш учун имкониятимиз бор"

Олий лиганинг 27-туридан ўрин олган "Шўртан" - "Обод" (1:0) жамоалари ўртасидаги учрашувдан кейин меҳмонлар ҳимоячиси Аброр Хусинов ўз фикрлари билан ўртоқлашди.

- Беллашувнинг бошидаёқ гол ўтказиб юборганимиз яхши бўлмади. Чунки бундай кутилмаган голлар ўйининг боришига салбий таъсир қилади. "Шўртан" учинчи дақиқадаёқ ҳисобни очган бўлса-да, қолган вақт мобайнида биз рақибдан етарлича устунлик қилдик. Мезбонлар дарвозаси олдида жуда кўп хавфли вазиятларни юзага келтирдик. Нафақат дуранг, балки ғалаба қозонишимиз ҳам мумкин эди. Бироқ омадимиз келмади.

Вазиятларнинг ҳеч биридан унумли фойдалана олмадик. Футболда ёзилмаган қоида бор: сен урмасанг, сенга уришади. Айтиш керак, мазкур баҳсда тўрт нафар жамоадошим майдонга туша олмади. Табиийки, уларнинг йўқлиги ҳам билинди. Ҳали ҳаммаси олдинда. Олий лигада қолиш учун имкониятимиз бор. Шундай экан, охиригача, қўлдан келганча ҳаракат қиламиз.

"Обод" матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: -3