Latest news

17:56"Реал" клублар ўртасидаги ЖЧда ғалаба қозонса, футболчиларнинг ҳар бирига 1 миллион евродан мукофот пули беради  9 17:20Хави "Олтин тўп" ютмагани ҳақида: "Ўзимни Месси ва Роналдудан устун деб ҳисобламайман, мен ўйинларни якка ўзим ютиб олишга қодир эмас эдим"  5 17:20Тўйини ҳам қадрдон клубида ўтказган "ўзбек Фергюсони" 78 ёшда!  7 16:59Муҳаммадали Ўринбоев: "Франция — Европанинг топ жамоаси, саралашга тайёр ҳолатда борамиз"  4 16:45Равшан Ҳайдаров: "Ҳеч кимдан қўрқмаймиз, лекин ҳар бир рақибга ҳурмат билан ёндашамиз"  1 16:24"Арсенал" 80 млн. евролик трансфер бўйича музокара ўтказмоқда  3 16:05Мажид Ҳасан: "Узоқ вақтдан бери мағлубиятга учрамай келаётган Ўзбекистонга қарши икки баравар куч билан майдонга тушишимиз лозим"  6 15:40Али Хасиф: "Ўзбекистон енгиб бўлмас тўсиқ эмас"  18 15:24Аллегри "Милан"га қайтди  2 15:12"Реал" янги футболчисини эълон қилди  21 15:03БАА терма жамоаси Ўзбекистон билан ўйинга тайёрланмоқда  11 14:44Эшитдик-да! "Нефтчи" раҳбариятида истеъфо  16 14:44"Дутор" ва "Котта Болла"дан ғалабалар — Like Cup мусобақасидан ФОТОГАЛЕРЕЯ  1 13:51Доннарумма вакили ПСЖ ҳақида: "Агар янги шартнома имзоламасак, бошқа вариантларни кўриб чиқамиз – ҳеч нарсани истисно қилмаймиз. Жанлуижи Парижда хурсанд".  0 13:12Россияга қарши баҳс учун Ўзбекистон ёшлар терма жамоасига чақирилган футболчилар рўйхати эълон қилинди  7

Аброр Пирриев Родрининг гапларига муносабат билдирди News

Аброр Пирриев Родрининг гапларига муносабат билдирди

Испания терма жамоаси футболчиси Родри яқинда оғир тақвимдан нолиди.

Хусусан моҳир ярим ҳимоячи шундай деган: "Одамлар фақат ўйинни кўради, лекин олдинги давр, тайёргарлик, саёҳат, меҳмонхонада ўтказилган вақт ҳам бор. Ростини айтсам, бу борада нимадир қилиш керак. Ўйинлар кўпайиб бормоқда ва бу тўхтайдиганга ўхшамайди".

"Сиз футболчилар ҳақида қайғуришингиз керак. Мен буни жуда яхши тушунаман. Футбол бизнес эканини биламан, бунинг учун катта пул жалб этилишини ҳам биламан, лекин спортчиларга ғамхўрлик қилишингиз керак бўлган нуқта ҳам бор". (Маълумот учун, Родри бу мавсум "Манчестер Сити" таркибида 50та учрашувда майдонга тушди).



"Локомотив" бош шифокори Аброр Пирриев соҳа мутахассиси сифатида Родрининг гапларига қуйидагича муносабат билдирди:


"Аввало у ўтган мавсум 50та ўйин ўтказгани ва бу профессионал футболчи учун меъёрий миқдор эканини айтиб ўтмоқчиман. Умуман олганда, ҳар қандай футболчи мавсумни бир хил "темп"да, яъни узун танаффусларсиз ўтишини хоҳлайди. Чунки профессионаллар учун ўйин бу чинакам машғулот ҳамдир.
АПЛ тақвимида турлар оралиғи ўртача 5-6 кунни ташкил этади. Бу оптимал оралиқ. Ва йиллик тақвим ҳадеганда ўзгаравермайди-ки, бу билан клуб мукаммал режа тузиб олишига имкон яратилади".

"Энди бошқа ҳолатга тўхталсам. Дейлик, айрим чемпионатларда жамоа йиғин ўтказиб, мавсумни бошлаб олгач, 2-3 тур ўтар-ўтмас ёки давранинг маълум қисмида танаффуслар юзага келади. Жамоа нима қилади? Жисмоний ҳолат ва ўйин амалиётини ушлаб туриш учун тағин ўқув-машғулот йиғинини ўташга киришади. Футболчи энг ёмон кўргани ўқув-машғулот йиғинлари. Чунки жамоа кучайтирилган тартибда ишлаши зарур. Яқиндагина зўриқишлардан ўтиб чемпионатга етиб келган футболчи организми учун бу қўшимча стресс олиб келади".

"Ўхшатиш ўрнида буни тезлик олиб улгурган поездга қиёслаш мумкин. Поезд керакли тезликни олиб, равон ҳаракат даражасига чиққунига қадар зўриқиб, тутун бўралатиб, бирор муддатда керакли тезликка эришади. Сўнгра шу тезликда равонгина манзилига етиб боради – худди АПЛ жамоаси каби. Бошқа бир чемпионатдаги поезд эса энди тезлик олиб равон ҳаракатга шайланганда, аллақандай бекатда тўхтаб ўтишига тўғри келади. Бекатда тўхтаган поезд яна аввалги тезлик билан равон ҳаракатга етгунига қадар ўша тутун бўралатиш-у, ўша зўриқиш..."

"Хуллас, чемпионат давомида бир маромда давом этадиган ўйинлар кўплигидан нолиётган Родри, бошқа бир - ўйинлар сони кам бўлса-да, узундан-узун йиғинлар-у, тўхталишлар сабаб қайта йиғин ўтиш мобайнидаги машғулотлар ҳамда ўртоқлик ўйинлари ила АПЛ ўйинчисидан кўпроқ юклама олиб улгуриладиган чемпионатда тўп тепиб кўрганида эди..."

"Умуман олганда, ҳар қандай профессионалга ўйин машғулотдан маъқулроқ.Чунки ўйин футболчига завқ бағишлайди, тажриба ва танилиш имконини беради, қолаверса маблағ олиб келади. Организм тикланишига келсак, бу борада АПЛ мутахассисларининг тайёргарлик режасини тузишдаги тажрибаси-ю, тиббий қувватлов имкониятлари керагидан-да ортиқ эканига шубҳа йўқ".

"Алқисса, мўмайгина даромад эвазига барча жиҳатлар ёзиб ўтилган шартномага қўл қўйган профессионалнинг тақвим зичлиги борасидаги норизолиги-ю, ғамхўрлик ҳақидаги даъвоси етарли асосга эга эмас".


Rating: +15   

Comments

championat.asia
< show latest news
Яндекс.Метрика