Абрамовга 11та ўйин керак бўлди
02 oct 2017 11:22
News

Абрамовга 11та ўйин керак бўлди

Ниҳоят Фарғонанинг "Нефтчи" клуби Вадим Абрамов қўл остида ўзининг илк ғалабасини нишонлади.

Олий лиганинг 23-турида фарғоналиклар "Олмалиқ" меҳмони бўлиб, 2:1 ҳисобида зафар қучишди. Ўйинда Музаффар Музаффаровнинг иккита голи фарғоналикларга ушбу мавсум ҳисобидан учинчи ғалабани тақдим этди.

Бунгача "Нефтчи" ўз майдонида "Обод"ни ва сафарда "Сўғдиёна"ни мағлуб этганди. Лекин бу иккала ғалаба Андрей Фёдоров даврида қўлга киритилганди. Жамоага Вадим Абрамов бош мураббий бўлганидан кейин эса "Нефтчи" "Олмалиқ" билан кечган баҳсда илк ғалабасини нишонлади.

Бунинг учун Вадим Карленовичга 11та ўйин керак бўлди. Аввалги ўнта баҳснинг олтитасида фарғоналиклар ютқазиб, тўрт марта дуранг қайд этишганди. Дарвоқе, "Нефтчи" иккинчи давра бошланганидан бери биринчи бор рақиб дарвозасига биттадан кўп тўп кирита олди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +11