Latest news

14:10"Фенербахче" ПСЖ ҳимоячисини сотиб олади  0 13:34"Реал" мухлислари учун хушхабар  1 12:58Мадуэке: "Арсенал" билан иштирок этадиган барча мусобақаларимда ғолиб чиқишни истайман"  0 12:27ПСЖ "Ювентус" юлдузини нишонга олди  1 11:47"Милан" ПСЖ футболчисига даъвогарлик қилмоқда  0 11:20Кападзе, Лёв, Билич – кимнинг ўйин услуби Ўзбекистонга мосроқ?  47 10:29"Динамо" Беларусда учта ўртоқлик ўйини ўтказади  2 10:05"Эсхата" устози Шуҳрат Умаров: "Шацкихга омад, ОЧЛда "Андижон"га мухлислик қиламиз"  0 09:43"Хоразм" назорат учрашувида "Бунёдкор" ўринбосарлари билан дуранг ўйнади  1 09:22Иззатилло Пўлатов: "Халқимиз қўллаб-қувватлаб турса, барчасига бирга эришамиз"  1 08:46Одил Ҳамробеков "Трактор"да норасмий дебютини ўтказди  0 08:21"Манчестер Юнайтед" беш футболчига базага киришни тақиқлади — клуб улардан воз кечмоқчи  10 08:00"Финалиссима-2026": Испания ва Аргентина ўртасидаги супероқшом март ойида бўлиб ўтади  2 07:35Мутолаа учун. Раньери, Моуриньо, Карпин. Шомуродов энди туркиялик мураббий билан ишлайди. Аввалги мутахассислар билан қандай саргузаштлар бўлган?  2 01:17Максим Шацких: “Трансфер ойнаси ёпилгунича 2-3 нафар янги ўйинчи оламиз”  7

Абрамов: "Бу мавсум қандайдир интрига бор эди, лекин бу жамоалар кучлилигидан эмас, балки ҳамма тенг равишда кучсиз эканлигидан" News

Абрамов: "Бу мавсум қандайдир интрига бор эди, лекин бу жамоалар кучлилигидан эмас, балки ҳамма тенг равишда кучсиз эканлигидан"

Coca Cola Суперлигаси 26-тури доирасидаги "Динамо" – "Қўқон-1912" (2:0) баҳсидан сўнг самарқандликлар бош мураббийи Вадим Абрамов фикрлари билан ўртоқлашди.



- Ўйин ҳақида

- Йигитларга ўйин учун раҳмат! Про лигага тушиб кетганимизга қарамасдан, улар кетма-кет 2 ўйинда борларини беришди. 

Ўйинга келсак, ҳеч нарсага қарамасдан, ўйин учун танлаган режамиз иш берди ва ғалаба қозондик.

- "Динамо" кетма-кет 3 ўйинда мотивацияга бой жамоалар – чемпионлик учун курашган "Насаф", Суперлигада қолиш илинжида ўйнаган "Сурхон" ва "Қўқон-1912" билан тўқнаш келди, аммо яхши ҳаракат қилди. Нега бошқа ўйинларда жамоангиз ўйини чиқмади?

- Келганимда, оптимал бир таркибни йиға олмадик. Ҳар гал кимдир дисквалификацияга учради ёки кимдир жароҳат олди. Шу боис оптимал таркибдан фойдалана олмадик. Асосий муаммо ҳимоямизда эди. Фақат бир нафар номинал ҳимоячига эга эдик. Сабаби шунда. Гап мотивация ёки бошқа нарсада эмас. Афсуски, ҳозирги кунда футбол шундай бўлиб кетди... Сиз журналистлар ёзганингиздек, ютуққа эришилса, ўйин сотиб олинган ёки мағлубиятга учралса, ўйин сотилган бўлади... Кўрамиз, энди нима дейишаркан.

- Бугунги ғалаба ниманинг эвазига қўлга киритилди? Катта хоҳишми ёки тактик ишланма? 

- Ҳаммаси биргаликда. Бир-бирисиз бўлмайди. Сиз хоҳлаганингизни ўйлаб топишингиз мумкин, лекин футболчида курашиш учун иштиёқ бўлмаса, ҳеч нарса қўлингиздан келмайди. 

- Сўнгги 3 ўйинда яхши ҳаракат қилдингиз. Про лигада қоласизми? Билишимча, ҳеч қачон бу лигада фаолият юритмагансиз...

- Ҳа, нимадир қачондир биринчи марта бўлади. Шунинг учун ҳечқиси йўқ. Ҳаммаси билан рўбарў келамиз. Кўрамиз, бу муаммо эмас деб ўйлайман. 

- Бундай якундан кейин Про лигада ўйнаш қандай бўларкан...

- Бу нормал ҳолат. Про лигада ҳам бир йилда Самарқанд шарафини муносиб ҳимоя қиладиган яхши жамоа тузса бўлади. 

- Жамоа раҳбарияти билан гаплашдингизми? Улар сиз билан ҳамкорлик қилишда давом этишадими? Масалан, мухлислар "Uchqun out" ("Динамо" бош директори – таҳр.) дея ҳайқиришди...

- Мухлислар ҳайқириши одатий ҳолат. "Abramov out" дейишади, мен "аут"да бўламан, бурчакда эмас, албатта. 

- Чемпионат якунланди. Мавсум қандай ўтди? 

- Тўғрисини айтсам, бу йил чемпионат – кучсиз. Қандайдир интрига бор, лекин бу жамоалар кучлилигидан эмас, балки ҳамма тенг равишда кучсиз эканлигидан.

Rating: +10   

Comments

championat.asia
< show latest news
Яндекс.Метрика