Абдувосит Азизов: “Омад юз ўгирди”
27 may 2015 12:21
News

Абдувосит Азизов: “Омад юз ўгирди”

Ўзбекистон Биринчилигининг 1-босқич, 10-туридан ўрин олган “Косонсой” – “Оқ-тепа” жамоалари ўртасидаги беллашув якунлангач, мезбонлар устози Абдувосит Азизовнинг фикрлари билан қизиқдик.

- Учрашув ҳақида нима деса бўлади? Бугун биринчи лиганинг икки етакчи жамоалари тўқнаш келди. Ўйин ҳам, натижа ҳам шунга мос бўлди. Афсуски, кичик хато деб очко йўқотдик. Сўнгги дақиқада ҳам ҳакам, ҳам ўзимизнинг хатоимиз туфайли гол ўтказиб юбордик. Аслида энг катта хато ўзимизда. Уйдаги беллашувда ғалаба қозониш керак эди. Боз устига, биз бугун омад ҳам кулиб боқмади.

“Оқ-тепа” билан Тошкентдаги биринчи ўйинда дурангга ўйнагандик. Бироқ қўшимча вақтда омад мезбонларга кулиб боқди. Бугунги баҳсда эса, уч очкога ҳаракат қилгандик, аммо яна сўнгги дақиқада очко йўқотдик. Болаларга эътирозим йўқ. Улар қўлларидан келганча ҳаракат қилишди. Ғалаба учун борларини беришди. Энди уйдаги ўйинларда очко йўқотмасликка ҳаракат қиламиз. Бугун йўқотилганларни эса, сафардаги баҳслар орқали тўлдиришга интиламиз.
"3:3 ҳисоби ўйинга мос бўлди. “Оқ-тепа” яхши жамоа. Лекин барибир натижадан қониқмадим. Чунки сафарда ҳам охирида гол ўтказиб юборганимиз алам қилганди. Яна шундай вазиятга дуч келдик. Футбол шунақа".

Link :

Source : oq-tepa.uz

Receive latest football news directly on your phone. Subscribe for our Telegram channel!

Rating: