Абдусамад Дўрмонов: "Ўйин дуранг натижага мос тарзда ўтди"

"Футболчиларимга бундай ўйинлар керакли эканлигини айтиб ўтдим. Рақиб ҳақида маълумотлар етарли эди. Футболчилар ўйинга борини берди, яхши ҳаракат қилишди. Уларга ортиқча эътирозим йўқ. Дуранг натижа ўйинга мос эди. Мансур Саидов енгил жароҳат олган, умид қиламанки кейинги ўйинга қадар сафимизга қайтади. Жамоамизда ҳар бир чизиқда 2-3та футболчи бор. Шунинг учун бошқа футболчиларга имконият бердик. Павел Смоляченко биринчи ўйинида ёмон ҳаракат қилмади. Шерзод Абдураимов узоқ муддатдан сўнг майдонга тушди. Юқорида айтганимдек бизда ҳар бир позицияда рақобат кучли. 

Бу - футбол. Сафарда натижани сақлаб қолиш учун ўйнадик, кўп таваккал қилишни истамадик. Таркибда ротацияларни амалга оширдик, қолган футболчиларга ўйин амалиёти бердик. Кейинги  "Динамо" билан баҳсга ким тайёр бўлса ўша тушади. Кучни тўғри тақсимлашга ҳаракат қиламиз. Жамоамни ўйинидан кўнглим тўлдими? Бу ўйин, режаларимизни футболчилар бажаришди. Барибир мезбон жамоа ўз майдонида биринчи рақам остида тўп тепади. Диққатни йўқотдик ва гол ўтказиб юбордик",- дейди Дўрмонов.