Абдураҳмон Комилов: "Ғалаба қозонишимизга жамоадаги бирдамлик сабаб бўлди"
14 apr 12:03
News

Абдураҳмон Комилов: "Ғалаба қозонишимизга жамоадаги бирдамлик сабаб бўлди"

Суперлиганинг 5-туридан ўрин олган "Пахтакор" – "Андижон" (2:3) учрашувидан сўнг меҳмонлар ҳимоячиси Абдураҳмон Комилов ўз фикрлари билан ўртоқлашди.

"Яхши ўйин ўтказдик. Аллоҳга шукр, юзимиз ёруғ бўлди. Муҳим ғалабани қўлга киритдик. Шунга қарамай, ўйин осон бўлмади. Муваффақиятимизга жамоадаги бирдамлик сабаб бўлди. Андижонлик мухлисларга миннатдорчилик билдираман, ғалабамизда уларнинг ўрни юқори. Улар бизнинг ўн иккинчи ўйинчимиз ҳисобланади. Мухлислар 90 дақиқа давомида жамоани ёлғизлатиб қўймади ва мотивация бериб турди.

Биз ҳар бир ўйинга рақибдан келиб тайёргарлик кўрамиз. Мураббийлар ҳар қандай ҳолат бўйича кўрсатмалар тайёрлайди.

Чемпионат бошида ўйинларда тушунмовчиликлар, яъни мослашиш жараёни содир бўлди. Шу боис муҳим очколарни бой бердик. Лекин натижаларни ёмон дея олмайман. Масалан, амалдаги чемпион "Насаф" билан кучларимиз тенг келди", деди 27 ёшли футболчи.

Link :

Source : championat.asia

Receive latest football news directly on your phone. Subscribe for our Telegram channel!

Rating: +1