Абдуқаҳҳор Хожиакбаров: "Насаф ҳақли тарзда ғалаба қозонди"

"Олмалиқ" жамоаси ҳимоячиси Абдуқаҳҳор Хожиакбаров "Насаф" билан бўлиб ўтган учрашувдан сўнг сайтимизга ўйин ҳақида қисқача интервью берди.

"Ўйин қизиқарли кечди. Ўйлашимча, бу учрашув томошабинларга манзур келди. Қаршида "Насаф" унча-мунча жамоаларга енгилмайди. "Насаф" шу куни жуда яхши ўйнади ва ҳақли ғалабага эришди. Биз ҳам ёмон ҳаракат қилмадик. Бироқ ўзимиз истаган ўйинни кўрсата олмаганимиз боис, мағлубиятга учрадик. "Насаф" биздан кўра мазмунлироқ ва кучлироқ ўйнади. Иккинчи давра жамоамиз учун кўнгилдагидек бошланмади. Ўз майдонимизда бўлган "Пахтакор"га қарши баҳсда ҳам имкониятни бой бериб қўйгандик. Ўша ўйинда ёмон таассурот қолдирмагандик. Лекин рақиб яратилган вазиятлардан унумли фойдалангани сабаб ғалаба қозонганди. Келгуси ўйинларда ғалаба қозониб, мухлисларимизни шод этамиз деган умиддаман", - дейди Абдуқаҳҳор Хожиакбаров.