Абдуқаҳҳор Хожиакбаров: “Анталиядаги йиғин аъло даражада ўтказилди”
22 feb 2017 18:26
News

Абдуқаҳҳор Хожиакбаров: “Анталиядаги йиғин аъло даражада ўтказилди”

Олмалиқнинг “Олмалиқ” клуби мавсумга тайёргарлик Туркиянинг Анталия шаҳрида ўтказиб қайтди. Жамоа футболчиси Абдуқаҳҳор Хожиакбаров чемпионатга қай тарзда тайёргарлик кўрилгани ҳақида фикр билдирди.

“Туркиянинг Анталия шаҳридаги йиғин аъло даражада ўтказилди. Йиғин давомида асосан кўпроқ жисмоний ҳолатимизга эътибор қаратилди. Украина, Грузия жамоаларига қарши ўртоқлик учрашувларини ўтказдик. Бу назорат баҳсларини ўтказиб ўзимизни кучимизни синаб кўрдик. Тактикага ўзгартириш киритилган, ҳар бир мураббийнинг ўзига яраша услуби бор. Ўтган йили бироз омадсиз иштирок этгандик. Бу йил олдимизга жиддий вазифалар қўйилади. Ҳозир яна “Металлург” жамоасига қарши назорат учрашувимиз бор”, - дейди “Олмалиқ” футболчиси Абдуқаҳҳор Хожиакбаров.

Жаҳонгир Сотволдиев суҳбатлашди