Абдуллоҳ Олимов: "Локомотив"га қарши баҳсга пухта тайёргарлик кўргандик"

Қизиқарли кечган баҳсдан кейин "бургутлар" клуби ярим ҳимоячиси Абдуллоҳ Олимов билан суҳбатлашдик.

- Абдуллоҳ янги футбол мавсуми бошланганлиги билан табриклаймиз...
- Раҳмат табрик учун, шу ўринда барча ўзбек ҳалқини ва футбол мухлисларини янги мавсум бошлангани билан табриклайман.

- "Андижон" 1-тур доирасидаги илк учрашувини Тошкентнинг "Локомотив" жамоасига қарши ўтказди. Учрашув ҳақида нима дея оласиз?
- Биз "Локомотив"га қарши баҳсга пухта тайёргарлик кўрдик, ўйин курашларга бой бўлди. Стандарт вазиятдан гол ўтказиб юбордик ва якунда мағлуб бўлдик. Шу ўринда айтиб ўтишим керакки, бизни қўллаб-қувватлаш учун узоқ йўлдан келган фидоий Нодирбек Тўйчиев бошчилигидаги мухлисларга рахмат айтаман. Насиб бўлса кейинги турларда ўйинларимиз орқали муҳлисларимизни хурсанд қиламиз.

- Ўтган мавсумда захирадан майдонга тушган ўйинларингиз ҳам бўлган, бунга сабаб нима деб ўйлайсиз?
- Тўғри ўтган мавсумда олган жароҳатим туфайли кўп ўйинларда жамоага ёрдам бера олмадим ва кўп баҳсларда захирадан майдонга тушдим.

- "Андижон" кейинги турда Қаршининг "Насаф жамоасига қарши сафарда майдонга тушади. Бу ўйиндан олдинги фикрларингиз...
- "Насаф" жамоаси мамлакатимизнинг энг яхши жамоаларидан бири ҳисобланади. Рўзиқул Бердиев жамоаси ўз ўйин услубига эга, гарчи маҳоратли ўйинчилар жамоани тарк этган бўлса ҳам, уларнинг ўрни футбол академиясидан етишиб чиққан ёш ўйинчилар билан тўлдирилди.

Нодирбек Абдуллаев суҳбатлашди