Абдуллоҳ Олимов: "Бунёдкор"га қарши баҳсдаги ўйинимдан кўнглим тўлди"

"Бунёдкор"га қарши баҳсда ўзидан илиқ таассурот қолдирган футболчи бу ҳақда сайтимизга қисқача интервью берди.

- Албатта "СА" сайти орқали турнинг рамзий терма жамоасини бериб борилиши яхши лойиҳа. Буни ҳар гал кузатиб келмоқдаман. Ростини айтганда, 24-турнинг рамзий терма жамоасидан ўрин олишимни кутмагандим. Шу боис бу менга янгилик бўлди.

- Жамоамнинг ғалаба қозониши учун ҳар бир учрашувда бор кучим билан ўйнашга интиламан. "Бунёдкор" билан баҳсда ҳам астойдил ўйнадим. Тўғри, шу куни мураббийлар мени чап қанот ҳимоясида ўйнатди. Лекин бу чизиқда мен илгари "Олмалиқ"қа қарши ҳам ўйнагандим. Шунинг учун ҳеч қандай қийинчилик бўлмади. Қайси позицияда бўлса ҳам муҳими асосий таркибда ўйнасам бўлгани.

- "Бунёдкор" билан ўз майдонимизда дуранг қайд этдик. Кўрсатган ўйинимга келсак, бунга муносиб баҳони мухлислар ва мутахассислар беради. Лекин шахсан ўзим қониқдим дея оламан, - дейди Абдуллоҳ Олимов.